Вилијам Шетнер ќе биде најстариот човек кој ќе лета во вселената
Вистинскиот Капетан Кирк ќе оди во вселената – и ќе биде најстариот жител на планетата Земја кој ќе лета надвор во вселената.
90-годишниот легендарен актер Вилијам Шетнер ќе му се придружи на Џеф Безос на вториот цивилен лет во вселената на 12 октомври.
Актерот, кој ја одглуми легендарната улога на Капетан Џејмс Кирк во ТВ серијата „Ѕвездени Патеки“, ќе биде првиот актер на научно фантастична улога кој ќе оди во вселената.
View this post on Instagram
Улогата која ја глумеше Шатнер се повтори сериски кога „Ѕвездени Патеки“ се разви во една од најуспешните филмски франшизи, со седум филмски остварувања, меѓу кои и едно кое беше режирано од самиот Шетнер.
„Слушам за вселената веќе доста долго време. Ја преземам можноста да видам самиот. Какво чудо“, вели Шатнер во прес изјава.
View this post on Instagram
Летот ќе може да биде проследен онлајн на „BlueOrigin.com“ почнувајќи од самото полетување, а снимката од летот потоа ќе стане и од документарец.
На 20 јули „Blue Origin“ го изведе првиот успешен цивилен лет во вселената на кој присуствуваше и сопственикот на Амазон Безос. Летот кој ќе го повтори доживувањето повторно ќе трае 15 минути и ќе полета од Западен Тексас.
View this post on Instagram
Шетнер, покрај интересната актерска историја зад себе, е познат по својот интерес за вселената, кој се потврдува со неговата улога на извршен продуцент на серијата „The UnXplained“ која истражува необјасниви мистерии и приказни за НЛО и комуникација со вонземјани.
View this post on Instagram
