На Блискиот Исток повторно беснее голема воја. САД и Израел викендов започнаа напади врз стотици цели во Иран, по што следуваа одмазднички удари врз Израел, но и врз земјите-американски сојузници во регионот. Стравот од поширок конфликт е сè поголем.

„Слободен печат“ ги праша граѓаните што мислат – дали требаше да дојде до вакви напади и дали се чувствуваат безбедно.

Еден соговорник вели дека одлуката веројатно произлегува од нивната надворешна политика.

„Најверојатно нивната политика ги довела до тоа да нападнат“, објаснува тој.

Друг граѓанин смета дека војна не треба да има никаде.

„Мислам дека никаде не треба да има такви напади“, вели тој.

Ги прашавме и што мислат за ставот на македонската Влада за поддршка на САД и Израел.

„Мислам дека нашата надворешна политика е во ред. Ги следиме САД и Израел“, рече еден од анкетираните.

– А дали се чувствувате безбедно?

„Исто како и пред месец дена. Глобално, живеачката е лудило“, објаснува една госпоѓа.

Друг господин вели дека членството во НАТО дава одредена сигурност.

„Не сме многу силни, но сме под покрив на НАТО, па се надевам дека сме безбедни“, додава тој.