Зголемување на усни и гради, корекција на очни капаци, фејслифтинг. Се прави ли се за подмладување? Колку скопјани се за или против пластичната хирургија и кога ја оправдуваат, а кога критикуваат? „Слободен печат“ ги праша граѓаните дали се за естетска хирургија и дали би направиле нешто за разубавување? Најголем дел од анкетираните ја претпочитаат природната убавина и не би отишле кај пластичен хирург, но има и такви кои веќе биле на разубавување. Дел од нив естетската хирургија ја одобруваат само доколку има потреба од корекција на некој физички недостаток.

– Естетска хирургија е многу хуман дел од медицината, но е претворен во турбо-фолк. Големи топчести гради не се естетска хирургија, вели еден господин. Скопјанка која веќе посетила естетски хирург вели дека е за естетска хирургија и дека ја поддржува.

Скопјанец објаснува дека доколку некој сака да смени нешто на себе што е објективно, во ред е, но ако се оди на операција само нешто да се зголеми, мисли дека нема потреба.  Млада девојка вели дека е многу против естетската хирургија.

Скопјанка вели дека природната убавина е најдобро нешто и дека никогаш не би сменила нешто на себе.
Помлад скопјанец објаснува дека луѓето треба парите да си ги инвестираат во здрава исхрана или теретана, наместо во естетска операција.

-Негативно е мислам, бидејќи сите жени личат една на друга- вели една скопјанка.

Друга објаснува дека има направено интервенција за да и се подобри самодовербата.

Целата анкета на колешката Агнеса Чаволи погледнете ја во продолжение: