Полицијата во северен Лондон започна истрага по палежот во раните утрински часови во недела во зграда во Голдерс Грин, каде што четири амбулантни возила што ѝ припаѓале на еврејска волонтерска организација за спасување биле зафатени од пламен. Властите го третираат инцидентот како можно антисемитско злосторство од омраза, соопштија властите.

Како што објавува „Скајњуз“, возилата припаѓаат на организацијата „Хатзола Нортвест“, која обезбедува итна медицинска помош на локалната заедница.

Лондонската противпожарна служба веднаш беше мобилизирана, испраќајќи шест противпожарни возила и околу 40 пожарникари на местото на настанот. Службата доби вкупно 56 повици за пожарот, при што првиот беше регистриран во 1:40 часот наутро, додека пожарот беше ставен под контрола кратко по 3:00 часот наутро.

Досега нема пријавени повредени.

🚨 BREAKING FOOTAGE: Surveillance video captured 3 suspects on camera setting four ambulances in Golders Green, London, ablaze tonight.

The ambulances belong to Hatzola – a volunteer Jewish emergency service providing 24/7 medical aid

Anyone want to guess their nationalities? https://t.co/b8htJhTmDD pic.twitter.com/SdjGcttK6X

— Breaking911 (@Breaking911) March 23, 2026

За време на пожарот, експлодирале боци со кислород во амбулантните возила, оштетувајќи ги прозорците во блиските згради и предизвикувајќи вознемиреност кај жителите.

Полицијата започна потрага по тројца осомничени, прегледувајќи ги снимките од безбедносните камери и видеата што се објавени на интернет.

Властите апелираат до секој што има информации веднаш да контактира со полицијата, дури и анонимно, за да помогне во идентификувањето на сторителите.