ВИДЕО: Загрепски „Спајдермен“ скока по фасадата на Хрватскиот народен театар

Откако во текот на целиот викенд по порталите и социјалните мрежи се „вртат“ видеоснимки од стотици млади жители на Загреб кои „заборавија“ на коронавирусот и се забавуваат околу студентските домови, од каде полицијата ги растера, некои од нив се преселија пред Хрватскиот народен театар, веќе од порано добро познато место за собирање на младите.

Оттаму доаѓа видеото коешто докажува дека на младите, особено за време на пандемијата на коронавирусот, навистина не им недостасуваат луди идеи.

Снимката ја објавила режисерката и театролог Сњежана Бановиќ, а на неа се гледа како еден млад човек скока по фасадата на зградата на ХНК во прилично тесен простор на висина од неколку метри, некаде во висината на првиот кат на театарот.

Судејќи според снимката, самопрогласениот Спајдермен овој пат се извлекол, но некој помалку спретен на негово место не би преживеал ваква адреналинска игра.

 

 

 

Видео на денот