Цариниците на граничниот премин „Богородица“ пронашле 5.000 штеки цигари скриени меѓу камена волна во камион кој патувал од Грција кон Србија, а возачот бил приведен.

„Во акција на царинските службеници на граничниот премин Богородица, при контрола на товарно моторно возило пријавено за транзит, откриени и запленети се 5.000 штеки цигари во вредност од 9 милиони денари. Возачот на камионот, српски државјанин, кој обидел да ги криумчари цигарите, е приведен и против него е поднесена кривична пријава до ОЈО Гевгелија за сторено кривично дело криумчарење. Со камионот пријавен за транзит од Грција за Србија, согласно приложената документација, биле превезувани градежни материјали – камена волна. При извршената детална контрола, царинските службеници над палетите со пријавената стока откриле 100 необележани кутии со по 50 штеки цигари, односно вкупно 5.000 штеки цигари без акцизни маркички, кои не биле пријавени“, соопшти Царинската управа.

ВИДЕО | Полицијата пронајде кокаин во Скопје, го криеле под бебешко кадифено мече