Машката кадетска ракометна репрезентација на Македонија денеска отпатува за Белград, Србија, каде од 29 јули ќе настапи на Европското првенство.

Првиот меч избраниците на селекторот Горан Кузманоски ќе го имаат в среда од 12.00 часот против Словенија во спортскиот центар „Вождовац“.

Во истиот термин на 30 јули во рамките од групата А, нашата селекција ќе игра со Франција, а на 1 август против Шведска.

Првопласираните две репрезентации од сите групи на ЕП ќе се пласираат во главната фаза, додека селекциите на третата и четвртата позиција продолжуваат во разигрувањето за пласман.

Во групата Б играат Германија, домаќинот Србија, Италија и Турција, во групата Ц се репрезентациите на Португалија, Хрватска, Чешка и Израел.

Во групата Д Унгарија, Исланд, Швајцарија и Црна Гора, во групата Е Данска, Норвешка, Словачка и Полска и во групата Ф се Шпанија, Фарски Острови, Австрија и Финска.