Ретка сцена е забележана деновиве кај црногорското гратче Жабљак, на планината Дурмитор – стопанот на еден изолиран имот за време на снежна бура затекнал волк како мирно лежи покрај неговите овци, кравите и другите животни во шталата.

Според научниците кои ги проучуваат волците и нивното однесување, ова навистина не се гледа често, но и дека одамна постојат и веќе се документирани ситуации во кои волци се пронајдени во штали и други објекти заедно со добиток, без да нападнат ниту едно од другите животни.

Објаснувањата велат дека ова може да се случи во екстремни временски услови, кога волците понекогаш бараат засолниште, а добитокот не реагира со бегање и паника, па на волкот не му се буди поривот за убивање. Исто така, можно е животното да било болно или рането, велат научниците.

Гратчето Жабљак, во кое живеат помалку од 2.000 жители, е познато како „највисок град на Балканот“ и тоа се наоѓа на 1.456 метри надморска височина.

ВИДЕО: Мечка преплива цело езеро во Грција, долго 20 километри