Доделувањето на Греми, освен по музичките награди, ќе бидат запаметени и по жестокиот политички конфликт помеѓу американскиот претседател Доналд Трамп и водителот Тревор Ноа. Веднаш по завршувањето на церемонијата, Трамп се огласи на својата платформа Тру сошал (Truth Social), не штедејќи навреди на сметка на емисијата и нејзиниот водител.

– Наградите Греми се НАЈЛОШИ, практично неописиви! Си-би-ес има среќа што ова ѓубре повеќе нема да ги загадува нивниот етер – напишал Трамп, осврнувајќи се на фактот дека ова била последната година од договорот на мрежата.

Трамп бесот особено го насочил кон Ноа поради шегата за Епстин.

– Водителот Тревор Ноа, кој и да е тој, е речиси лош како Џими Кимел. Ноа ЛАЖНО изјави дека Бил Клинтон и јас сме поминувале време на островот на Епстин. ПОГРЕШНО! Никогаш не сум бил таму, ниту блиску, и никогаш не бев обвинет за тоа дури ниту од лажните медиуми – додал американскиот претседател.

Trevor Noah takes another jab at Donald Trump #Grammys: “Song of the Year — that is a Grammy that every artist wants almost as much as Trump wants Greenland, which makes sense because Epstein’s island is gone, he needs a new one to hang out with Bill Clinton” pic.twitter.com/quUWEpX4NL

— Deadline (@DEADLINE) February 2, 2026

Трамп се заканил и со правни последици поради спорната шега.

– Ноа, тотален губитник, подобро нека брзо ги провери фактите. Изгледа дека ќе ги испратам моите адвокати да го тужат тој кутар, патетичен, неталентиран идиот од водител, и тоа за многу пари. Подготви се, Ноа, ќе се позанимавам со тебе!“

Самата церемонија на доделување награди беше обележана со протести против федералните агенти за имиграција (ICE).

Ѕвездите како Били Ајлиш, Џастин Бибер и Бед Бани на синоќешната церемонија носеле значки „ICE Out“ на црвениот тепих како одговор на неодамнешните убиства на Рене Гуд и Алекс Прити во Минеаполис.

Били Ајлиш, добитничка на наградата за песна на годината, била директна во својот говор: „Никој не е нелегален на украдена земја. Нашите гласови се важни, луѓето се важни. Е.и се ICE.“

Доделени музичките награди „Греми“: Бад Бани испиша историја, а Кендрик Ламар e апсолутен победник на вечерта