Денеска од 20.45 часот македонската А репрезентација ќе го игра последниот натпревар од групата „4“ од Ц сегментот во Лигата на нации против Бугарија.

Дуелот ќе се игра на Националната арена „Тодор Проески“ – Скопје и ќе го суди Јулијан Вајбергер од Австрија.

На првиот меѓусебен меч во Разград годинава на 2 јуни на „Хуверфарма“ арената во Разград немаше победник (1:1).

Бугарите дојдоа во водство во 13 минута со погодокот на Кирил Десподов, а нашата селекција израмни во 50 минута преку Милан Ристовски. Тоа беше првиот официјален натпревар помеѓу овие две репрезентации.

Претходните меѓусебни средби биле пријателски:

12 април 1995 година Македонија – Бугарија 0:0
28 мај 1996 година Бугарија – Македонија 3:0
25 март 1998 година Македонија – Бугарија 1:0
15 август 2001 година Бугарија – Македонија 1:0
1 март 2006 година Македонија – Бугарија 0:1
14 август 2013 година Македонија – Бугарија 2:0
29 март 2016 година Македонија – Бугарија 0:2