Специјалниот претставник на САД, Кит Келог, денес пристигна во Киев, изјави главниот советник на украинскиот претседател Андриј Јермак, по најавата на американскиот претседател Доналд Трамп за нови испораки на системи за воздушна одбрана „патриот“ во земјата.

„Топло го пречекуваме специјалниот претставник на САД, Кит Келог, во Украина“, рече Јермак во објава на апликацијата за пораки „Телеграм“.

Keith Kellogg, United States Special Envoy for Ukraine and Russia, arrived in Kyiv this morning. pic.twitter.com/ZsEfoctodB

— Anton Gerashchenko (@Gerashchenko_en) July 14, 2025

„Мир преку сила е принципот на американскиот претседател Доналд Трамп и ние го поддржуваме овој пристап“, додаде тој.

Келог денес отпатува во Киев за да разговара за безбедноста и санкциите против Русија, истакна главниот советник на украинскиот претседател.

„Одбрана, зајакнување на безбедноста, оружје, санкции, заштита на нашите луѓе, зајакнување на соработката меѓу Украина и САД – има многу прашања за дискусија“, рече и Јермак на апликацијата за пораки.