Селекцијата на Русија ја забележа првата победа на Евро 2020 откако по поразот во првото коло, денеска ја совладаа Финска со 1:0.
Стрелец на единствениот гол на средбата која се играше во Санкт Петербург беше Алексеј Миранчук во судиското продолжение од првото полувреме со што и ги донесе првите бодови на Русија на ЕП.
Натпреварот започна со гол на Финците уште во четвртата минута. Јоел Похјанпало го совлада рускиот голман Сафонов, но судијата Макели по консултација со ВАР собата го поништи голот поради офсајд.

Во продолжение од натпреварот и двете репрезентации играа офанзивно и имаа свои шанси, но единствениот шут во рамките на голот беше на Миранчук заврши во мрежата на Храдецки.
Во второто полувреме, Финците тргнаа офанзивно, Тему Пуки имаше неколку шанси да го израмни резултатот но шутевите завршуваа или покрај или над голот. Русите се заканија преку Џуба и Кузјаев, но резултатот остана непроменет.