Страшни вести пристигнуваат утрово од Јужна Америка, поточно од Перу. Во Лима најмалку едно лице го загуби животот, а над 47 се повредени откако се урнал дел од ѕид на стадионот „Алехандро Виљануева“, јавуваат локалните медиуми.

Министерството за здравство на Перу соопшти дека се работи за уривање на дел од структурата на трибината, додека истрагата е во тек и засега нема дополнителни информации за причините.

Според „Си-ен-ен, трагедијата се случила за време на празнично собирање на навивачи во пресрет на католичкиот Велигден, кое требало да биде увертира за натпреварот викендов меѓу Алијанса Лима и Универзитарио.

Сѐ уште не е целосно јасно како дошло до уривањето. Во прв момент се претпоставуваше дека станува збор за несреќен случај, но пожарникарите од терен демантираа дека се урнал дел од трибината.

@elcomerciope Una emergencia se registró en el Estadio Alejandro Villanueva durante el banderazo de Alianza Lima previo al clásico. El incidente dejó al menos 60 personas heridas y movilizó ocho unidades del Cuerpo General de Bomberos, que llegaron para atender y trasladar a los afectados en medio de la concentración de hinchas en Matute. #Alianzalima #Matute #noticiasperu #loultimo #urgente ♬ Minimal for news / news suspense(1169746) – Hiraoka Kotaro

Дел од локалните медиуми пренесуваат дека претходно дошло до судир меѓу две навивачки групи, по што настанала паника и стампедо, при што повеќе луѓе биле прегазени во гужвата.

Министерот за здравство Хуан Карлос Веласко потврди дека меѓу повредените има и тројца малолетници, како и поголем број жени.

Поради сериозноста на ситуацијата, во болниците во Лима е прогласена вонредна состојба со цел што побрзо згрижување на повредените.

NEW: Wall collapse injures at least 60 during Alianza Lima gathering at Alejandro Villanueva Stadium in Lima, Peru ahead of match vs Universitario.pic.twitter.com/YVLayJfElv

— Resist Wire (@ResistWire) April 4, 2026