Во понеделникот, уште една експлозија го потресе рускиот нафтовод „Дружба“, потврдија извори од украинското воено разузнавање (ХУР) за „Киев пост“. Нападот наводно се случил во близина на селото Казински Виселки на делницата Таганрог-Липецк од нафтоводот, а бил предизвикан од далечински активирана експлозивна направа, објави „Киев пост“.

Службеник на ХУР, запознаен со операцијата, објасни дека уредот бил опремен и со запаливи смеси за интензивирање на пожарот. Кратко по силната експлозија, локалните жители пријавиле блесоци на светлина, а за неколку минути, видеа и пораки се појавија на регионалните социјални мрежи.

Нафтоводот „Дружба“, еден од најголемите во светот, е клучен за транспорт на руска сурова нафта до неколку земји од Европската Унија. И покрај санкциите, делови од нафтоводот остануваат оперативни, дозволувајќи ѝ на Москва да генерира милијарди приходи за да ја поддржи својата воена кампања во Украина.

Извештајот за нападот доаѓа во време кога Киев ја засилува својата кампања против руската нафтена инфраструктура. Во последните недели, танкери за нафта кои се обидуваат да ги избегнат санкциите беа цел и во Црното Море. Разузнавачки извор изјави дека нападите врз руската нафтена инфраструктура ќе продолжат сè додека таа ги финансира воените напори на Москва.

„Руската нафтена мрежа, која ја финансира државата агресор и нејзиниот воено-индустриски комплекс, ќе продолжи да гори сè додека непријателот не престане да ја напаѓа Украина“, рече лице запознаено со операцијата.

Повторени напади врз нафтовод

Ова не е прв напад врз овој стратешки важен нафтовод. На 22 август, Украина ја нападна најголемата руска пумпна станица за нафта во системот Дружба, која се наоѓа во градот Унеча во регионот Брјанск. Унеча, која се наоѓа на околу четириесет километри од украинската граница, е најголемиот центар на системот Дружба и игра клучна улога во снабдувањето на рускиот воено-индустриски комплекс.

On December 1, the “Druzhba” oil pipeline was blown up in Russia.https://t.co/eX9LDzjS4s pic.twitter.com/hUj2l39ycb

— Babel.ua: Ukraine at war (@UaBabel) December 3, 2025

Нападот предизвика остра реакција од унгарскиот министер за надворешни работи, Петер Сијарто, кој го осуди и дополнително ги затегна дипломатските односи меѓу Киев и Будимпешта.

„Пристигна вест дека нафтоводот „Дружба“ на руско-белоруската граница е повторно нападнат – по трет пат за краток временски период. Снабдувањето со сурова нафта на Унгарија е повторно запрено – истакна тој.

Сијарто го нарече „уште еден напад врз енергетската безбедност на Унгарија“ и „уште еден обид да нè вовлечат во војна“.

💥 Russia: Unecha oil pumping station in Bryansk region struck again by Ukraine. Annual pumping capacity of 60 million tons of crude oil, critical hub on the Druzhba pipeline that goes to Europe.
No more Russian blood oil for Hungary and Slovakia. pic.twitter.com/MgFOmiPOtM

— Igor Sushko (@igorsushko) August 21, 2025

Претходно, на 13 август, украински беспилотни летала ја нападнаа пумпната станица „Унеча“. Извори на ХУР потврдија во тоа време дека агенцијата ја извршила операцијата во соработка со други воени единици.

И покрај нападите и планот на ЕУ постепено да се стави крај на зависноста од руските енергетски извори, унгарскиот премиер Виктор Орбан на средбата со Владимир Путин на 28 ноември изјави дека Будимпешта ќе продолжи да купува руска нафта.