ВИДЕО: Удинезе без Несторовски во победничка атмосфера пред Јувентус!
Денеска во рамките од 33 коло во најсилното италијанско првенство составот на Удинезе со резултат 2:4 го совлада Беневенто.
За гостинската екипа поради повреда не настапи македонскиот репрезентативец Илија Несторовски за кого во следниот период ќе се дознае повеќе дали ќе го пропушти Европското првенство или не.
После првото полувреме тимот од Удине водеше со 1:2, уште во четвртата минута домашната мрежа ја затресе Молина, предноста ја зголеми Арслан во 31 минута. 180 секунди подоцна на спротивната страна од пенал намали Виола.
На стартот од вториот дел за 1:3 се погрижи Стригер Ларсен, во 73 минута во листата на стрелците се запиша Брааф, а поразот на домаќините го ублажи Лападула.
На табелата Удинезе е на 11 позиција со 39 бодови, а во наредното коло на 2 мај ќе биде домаќин на Јувентус.