Една туристка очајно посакувала да се фотографира со коњ на британската кралска гарда пред Музејот на коњаницата и конечно собрала храброст и се доближила до коњот!

И покрај предупредувачкиот знак „Внимание, коњите може да те клоцнат или каснат“, туристката премногу се доближила до еден од нив и се фотографирала. Но, пред да ја направи последната поза, коњот се свртил кон неа, и ја гризнал за раката.

Шокираната туристка вреснала и истрчала кон нејзините пријатели додека толпата гледала со подотворена уста.

На снимката се гледа дека во одреден момент состојбата ѝ се влошува и се чини дека жената губи свест.

Треба да се напомене дека ова не е прв пат да се случува вакво нешто. Ова е последен во низата инциденти при кои туристите биле каснати од коњ.

Иако многумина ја сметаат за туристичка атракција, гардата на кралот е составена од елитни војници задолжени за заштита на животот и имотот на монархот. На членовите на кралската гарда генерално не им е дозволено да комуницираат со јавноста, но дозволено им  е да предупредат ако некој премногу им се приближи.

Војниците не смеат да дозволат ништо да им го оттргне вниманието од должноста – паузите во тоалет се забранети за време на двочасовните смени.