Паника и ужас преовладуваа вчера во прометниот парк Кројдон во Сиднеј, Австралија, кога еден човек одеднаш почна да пука од прозорецот на својот стан неселективно кон луѓе и автомобили.

Сторителот, 60-годишен иселеник Артемиос Минцас кој беше уапсен по трилер-операција, држел пушка со висок калибар и наводно испукал над 50-100 куршуми.

Вршителот на должноста началник Стивен Пари тврди дека сторителот пукал „неселективно“ кон автомобили што минувале од прозорецот на неговиот стан над деловна единица, при што се повредени повеќе од десетина луѓе, а неколку автомобили се оштетени.

Областа беше блокирана подолго време, сè додека полицијата не го уапси вооружениот напаѓач, кој се забарикадира во својот стан два часа.

Според 9News , сторителот е идентификуван како 60-годишен иселеник А.М., вработен во „Сиднеј Трејнс“ и татко на две деца.

A 60-year-old man has been arrested after a number of shots were fired in the inner-west Sydney suburb of Croydon Park

The gunman is in hospital awaiting questioning pic.twitter.com/RdjuR2Wg2W

— Clown Down Under 🤡 (@clowndownunder) October 6, 2025

60-годишникот е сместен под надзор и се очекува да биде испрашуван од властите.

Иселеникот нема криминално досие ниту врски со организиран криминал или тероризам. Сепак, при последователен претрес на неговиот дом, запленети се неколку огнени оружја.

Полицијата соопшти дека во крвавиот пир, тешко е повреден маж на 50-годишна возраст со прострелни рани во вратот и градите, кој бил сопатник на задното седиште на автомобил кој возел низ паркот Кројдон со своето семејство кога бил погоден од куршум.

Најмалку 16 лица се здобиле со полесни повреди, а двајца мажи се однесени на лекување во Кралската болница „Принц Алфред“.

Меѓу повредите имало некои со исеченици на лицето од скршено стакло и шрапнели, додека некои пациенти биле згрижени поради шок, соопшти Брзата помош на Нов Јужен Велс.

Полицијата сега го истражува неговиот мотив и како го набавил оружјето употребено во нападот.

Маж на возраст од околу 50 години е хоспитализиран во критична состојба со прострелни рани, додека неколку други се здобиле со повреди од стакло и шрапнели.