Американскиот претседател Доналд Трамп нарече американска новинарка „глупава“ откако таа му постави прашање за безбедносните проверки на авганистанските бегалци на пресконференција, јавуваат американските медиуми.

„Дали сте глупава особа?“, праша Трамп за време на говорот од неговата резиденција Мар а Лаго во Флорида, објавува „Њујорк пост“.

🚨 HOLY CRAP — Trump just blew up at reporters on live TV.

A journalist pressed him on why he’s blaming Biden for the D.C. National Guard attack, and Trump snapped:

“Are you a STUPID PERSON?”
“They LET HIM IN… they came on a plane with thousands who shouldn’t be here!”
“You’re… pic.twitter.com/p24NOhb1do

— Brian Allen (@allenanalysis) November 28, 2025

Инцидентот се случил кога една новинарка го прашала американскиот претседател зошто го обвинува својот претходник Џозеф Бајден, иако токму членови на администрацијата на Трамп тврделе дека Авганистанците што емигрирале во Соединетите Американски Држави биле темелно проверени, вклучувајќи го и Авганистанецот Рахманула Лаканвал, осомничен за пукање врз двајца припадници на Националната гарда во средата.

Затоа што ги пуштија внатре. Тие бегалци пристигнаа со илјадници други луѓе кои не треба да бидат тука, а вие поставувате такви прашања само затоа што сте глупав човек“, и се обрати Трамп на новинарката.

Во средата, Трамп го критикуваше и „Њујорк тајмс“ за статијата што се фокусираше на неговата возраст и зголемените знаци на замор, нарекувајќи го авторот на статијата „новинар од втор ред кој е грд одвнатре и однадвор“.

Порано овој месец, тој го нарече новинарот на Блумберг „свиња“, а друг „ужасна личност“, потсетуваат медиумите.