ВИДЕО | Трајанов: Македонскиот јазик е признат и има своја историска генеза
Уставот е многу јасен, членот седум дефинира дека службен јазик на целата територија на Република Македонија е македонскиот јазик и тој се користи во меѓународните односи, а во истиот член понатаму се даваат отстапувања кога може да се користат јазиците на националностите кои се повеќе од дваесет проценти, изјави за УБ пратеникот од ВМРО – ДПМНЕ, Здравко Трајанов.
– Такво отстапување во однос на меѓународното претставување на државата не постои што значи дека согласно Уставот секој политичар кој ќе излезе од Република Македонија и ќе зборува за меѓународна политика или на меѓународни настани треба да го користи македонскиот јазик.
Тоа е делот од легалистичкиот аспект, понатаму е лично прашање за претседателот Џафери зошто се обратил на албански јазик и верувам дека тој ќе даде свое објаснување на целата работа.
За ова си постои соодветна легислатива и верувам дека институциите ќе постапат соодветно и ќе дадат објаснување на целата проблематика… Во однос на националниот идентитет години наназад се случуваат многу несакани работи.
Македонскиот јазик е кодифициран во мај 1945 година и тоа е сосема јасно направено согласно одлуките на АСНОМ. Што се однесува до македонскиот јазик во Обединетите нациитој е јасно признаен во 1977 година… И тука целата проблематика треба да се сведе на тоа дека македонскиот јазик е посебен и и има исто така своја историска генеза како сите останати јазици – изјави Трајанов.