Работник завршил во болница со тешки повреди по делумното уривање на средновековна кула што се реновирала во центарот на Рим, во близина на Колосеумот, објави „Ројтерс“.

Според истите информации, уште двајца работници се полесно повредени, но одбиле да бидат пренесени во болница.

Портпаролот на италијанската противпожарна служба, Лука Кари, изјави за „Ројтерс“ дека екипите за итни интервенции работеле на извлекување човек заробен под урнатините.

Кулата Торе деј Конти, висока 29 метри, се наоѓа на улицата Виа деи Фори Империали — широкиот булевар што води од плоштадот Пјаца Венеција до Колосеумот.

🏛️🚨BREAKING: A section of an ancient tower collapses in central Rome

Part of the medieval Torre dei Conti has fallen at the Imperial Forums, right in the heart of Rome.

Rescuers are searching the rubble for possible victims.
The 13th-century architectural monument was… pic.twitter.com/M8kCdOmXAM

— NEXTA (@nexta_tv) November 3, 2025

Објектот не бил во употреба од 2006 година, но се реновирал во рамки на четиригодишен проект што требало да заврши следната година, соопштија градските власти на Рим.

Видеа објавени на социјалните мрежи покажуваат облаци прашина што излегуваат од прозорците на кулата и звук на рушење на камен.

Поради реставраторските работи, просторот околу кулата бил затворен за пешаци. Зградата ја изградил папата Иноќентиј III за неговото семејство на почетокот на 13 век.