Денеска во рамките од 29 коло во италијанскиот фудбалски шампионат екипата на Торино со 1:0 дома го совлада Емполи.

Стрелец на единствениот гол за „биковите“ беше Никола Влашиќ во 70 минута од средбата.

Македонскиот репрезентативец Елиф Елмас беше стартер во домашната екипа и настапи до 83 минута кога беше заменет од Јан Карамо.

Ова е вкупно деветта победа за Торино сезонава во Серија А за моментно 11 место со 38 бодови.

Емполи кој го претрпе 15 пораз се наоѓа во опасната зона за испаѓање од елитата на 18 место со 22 бодови.