ВИДЕО: Таунс најдобар тројкаш, Топин победи на турнирот во забивање
Центарот на Минесота тимбервулфс, Карл Ентони Таунс е победник на турнирот во шутирање тројки на Ол-стар викендот кој се одржува во Кливленд.
Таунс во финалето постигна 29 поени и ги победи бекот на Атланта, Тре Јанг и Лук Кенард од ЛА Клиперс кои постигнаа по 26 поени.
– Среќен сум што победив. Си поставувам високи критериуми и жалам што не постигнав 30 поени – изјави Таунс.
Карл Ентони Таус испиша историја бидејќи стана првиот центар што победил во натпреварот во тројки на Ол-стар викендот.
Останатите учесници беа Фред Ванвлит, Дезмонд Бејн, Зек Лавин, Си Џеј Мекалум и Пети Милс.
Во натпреварот во забивање победи, кошаркарот на Њујорк никс, Оби Топин. Топин во финалната серија освои 47 поени и го победи Андерсон од Голден Стејт кој имаше три неуспешни обиди за забивање.
– Сакав да изведам нешто што досега не беше видено. Се чувствував добро, минитата година загубив во финалето и сакав оваа година сакам да бидам подобар. Мило ми е што победив – изјави Топин.
Останатите учесници беа Кол Ентони и Џејлин Грин.
Во натпреварот за кошаркарски вештини победи тимот на Кавс кој беше во состав Џарет Ален, Дариус Гарланд и Еван Мобли. Тие во финалето беа подобри од Рукс кој беше составен од Кејд Канингем, Скоти Барнс и Џош Гиди.