ВИДЕО | Таткото на Матеј има надеж дека тој е жив: Ми се јавуваат волшебници и јасновидци и ми кажуваат каде се крие
Повеќе од 20 дена трае потрагата по Матеј Периш, а екипите ангажирани да го пронајдат не престануваат и покрај студеното време и врнежите.
На социјалната мрежа Инстаграм објавено е видео на кое се гледаат припадниците на доброволната противпожарна бригада Палилула, во мрак и снег, како со светилки го пребаруваат теренот околу реките.
View this post on Instagram
Во интервју за Телеграф.рс, неговиот татко Ненад тврди дека единственото нешто што му е важно е да ја дознае вистината, каква и да е таа.
-Последниве денови ми се јавуваат волшебници и јасновидци и ми кажуваат дека Матеј е жив и каде тој се крие. Еден ми рече само „да го побарам син ми во двокатна куќа во близина на каналот Дунав-Тиса-Дунав“. Дека Матеј „таму живее на втор кат и дека е добро“. Друг дури ми предложи да го барам во некои високи згради спроти Готик – повторно ги замолувам луѓето да се јават во белградската полиција за какви било информации. Би ги замолил луѓето да не кажуваат лаги бидејќи полицијата подоцна мора да ги демантира. Да се разбереме, не бегам од вистината, каква и да е таа. Подготвен сум на се само за да дознаам каде е мојот син. Свесен сум и дека помина многу време, но како родител имам надеж дека мојот син е жив. Сите нека ми простат, но јас сум родител и се додека има малку надеж, верувам во најдобриот исход – вели Периш.
