Струга ТЛ на гости во  Битола дојде до важни три бода, откако во единствениот денешен дуел од Првата лига го совлада Пелистер со 2-0.

Почетокот на натпреварот беше одложен за околу 30 минути, а по почетокот двете екипи прикажаа борбена игра и создадоа неколку солидни шанси, а гол видовме пред крајот на првиот дел. Тогаш Марјан Радески најдобро реагираше во противничкиот шеснаесетник и со удар со глава ја донесе предноста за гостите.

И во вториот дел се играше во сличен ритам. Пелистер се обидуваше да се врати во игра и успеа да постигне погодок, но истиот беше поништен поради офсајд. Стружани ја заверија победата во завршницата, кога Шабани во 87. минута ја затресе мрежата за конечни 2-0.

Со овој триумф, Струга стигна до својата 16-та победа во сезоната и вкупно 53 освоени бодови, а дополнително значајно е што по подолг период врзаа три победи во низа. Пелистер, пак, останува на 10. позиција, израмнет по бодови со Работнички кој е претпоследен.