ВИДЕО: Стевчо Јакимовски со екипата славеше со хитот на „Куку леле“ во познат скопски локал
Староновиот градоначалник на Општина Карпош Стевчо Јакимовски, синоќа со журка во познат скопски локал ја прослави победата со популарниот хит на Куку леле „Постела рози“. Тој на своите противници им порача: „Како ве е*е Стевчо Јакимовски, за вас е само к*рот громовски“.
Јакимовски го победи во Карпош кандидатот на СДСМ Душко Весковски со 1.444 гласови повеќе, според последните неофицијални податоци од Државната изборна комисија.
Тој изјави дека Карпош повторно ќе биде водечка општина и оти вратите на локалната самоуправа ќе бидат секогаш отворени за граѓаните без разлика дали тие гласале за него или не.
– Во наредниот период ќе ги корегираме грешките, ќе работиме уште попосветено и поорганизирано и уште повеќе ќе бидат отворени вратите на Карпош за да ги решаваме нивните секојдневни проблеми. Чувствувам големо задоволство, но никако триуфализам. Сакам да им порачам на граѓаните дека сите сте добредојдени во Општината, без разлика дали сте гласале за мене, рече синоќа Јакимовски по што заедно со своите поддржувачи ја прослави победата во Општина Карпош.
Погледнете дел од славеничката атмосфера: