Ален Бернар Ганао, петгодишното момче кое исчезна во петокот навечер од камп во Лате, Вентимиља, Италија, беше пронајдено безбедно и здраво во недела наутро.

Малиот Ален, кој го носеа во раце спасувачите, беше пречекан со овации од толпата што се собра на плоштадот Лате, која со нетрпение очекуваше вести.

Многумина не можеа да ги сокријат своите емоции по веста дека момчето е пронајдено безбедно, пренесува „Кориере дела Сера“.

#Imperia, è stato trovato in buone condizioni di salute il bambino di 5 anni disperso nella zona Latte, a Ventimiglia. Da venerdì sera erano in atto le ricerche dei #vigilidelfuoco con #cinofili, esperti in topografia, squadre #SAF, #sommozzatori, piloti di droni ed elicottero… pic.twitter.com/JHFmoNPufm

— Vigili del Fuoco (@vigilidelfuoco) July 13, 2025

Според првичните информации, детето е пронајдено на рид зад областа Лате во Вентимиља.

Il bimbo di 5 anni ritrovato domenica mattina da tre volontari della Protezione civile: «Lo abbiamo preso, abbracciato e portato dai genitori» https://t.co/r4MT1N0ksF

— Open (@Open_gol) July 13, 2025

Момчето било на краток одмор со своето семејство во рекреативната зона Пор Ла Мар кога, под непознати околности, исчезнало.

Од првата минута на исчезнувањето во Италија започна голема операција за пребарување: се вклучија полицијата, карабинерите, пожарникарите, волонтери, планински спасувачи, додека распоредени беа и беспилотни летала со термални камери, специјално обучени кучиња и хеликоптер. Се пребаруваше дење и ноќе.

Ситуацијата дополнително беше искомплицирана од фактот дека Ален е во аутистичниот спектар и не реагира на повиците од спасувачките екипи, пишува „Кориере дела Сера“.