ВИДЕО | Србиновски: Ужасни работи се случуваат во сите војни, но треба да се утврдат од независни извори
Воени злосторства во Украина се случуваат, обвинувања и контраобвинувања има околу настаните во Буча.
Препорачано
– Говориме за многу грозоморен чин во кој цивили ги изгубија животите. Ова далеку ги надминува поскорешните војни на Блискиот исток и поранешна Југославија. Класификацијата на оваа ситуација е тешко да се направи оти недостасува меѓународна проверка. Ќе пристигнат меѓународни тимови да проверат што се случило и кој го сторил тоа. Многу е страшно и ако е направена фабрикација и ако е изведено тоа масовно убиство, вели новинарот Александар Србиновски за Утрински брифинг.
Констатирањето на фактите не го прават политичари и новинари туку експерти форензичари.
Србиновски вели дека ако се направи паралела со случувања во Грузија, во Јужна Осетија, потоа Сребреница кое е случување од поголеми размери, како и случајот со Рачак во Косово кој сѐ уште се спори.
– Разликата е тука што станува збор за една голема сила која поседува нуклеарно оружје
Србиновски вели дека не гледа волја за деескалација на конфликтот.
– Како Русија ќе се повлече ако однапред ги прогласуваме за воени злосторници? Ова сега е реторика која е карактеристична за деведесеттите, вели Србиновски.
Многу луѓе загинаа и ќе загинат, а има и голема материјална штета, па за очекување е да има судски процеси за репарации. Но, како што вели Србиновски, тешко е да се разликува кој всушност војува, дали се руски војници или платеници или доброволци, а контролата над тие луѓе е многу тешка.
Проследете го целиот разговор во видеото
