ВИДЕО: Спектакл на презентацијата на Меси во Мајами
САД виделе многу легенди, но синоќа на некој начин започна нова фудбалска ера во таа земја – ерата на Лионел Меси во МЛС лигата. Пред преполниот стадион „ДРВ ПНК“ во Форт Лодердејл, еден од најголемите фудбалери на сите времиња Лионел Меси и официјално беше претставен како новата „десетка“ на Интер Мајами.
– Дојдов овде со истата желба која секогаш ја носев во себе – изјави 36-годишниот Аргентинец.
Дебито на Меси е планирано за 22 јули кога Интер Мајами ќе го одигра првиот натпревар од Лига купот на Северна и Централна Америка против мексиканскиот Круз Азул.
Soak it in, Leo Messi.
The warmest of welcomes to @InterMiamiCF. pic.twitter.com/STzKSDrBGh
— Major League Soccer (@MLS) July 17, 2023
– Сигурен сум дека ќе имаме многу прекрасни искуства. Многу сум трогнат што сум овде во Мајами, што сум со вас. Сакам да ви се заблагодарам – во име на моето семејство, за љубезноста што ми ја покажавте – им се обрати Меси на фановите во Флорида.
На презентацијата беше уште една фудбалска легенда, а сега еден од сопствениците на Интер Мајами, Дејвид Бекам.
– Сонувавме за елитни и најдобри играчи и ги донесовме најдобрите што некогаш ги облекле копачките – неговото име е Лионел Андрес Меси – се зборовите на Бекам.
Нов играч на Интер Мајами е и Серхио Бускетс кој претходно играше заедно со Меси и во Барселона.