Кошаркарите на Денвер нагетс запишаа важна победа на гостувањето кај Торонто репторс со 106-103, и тоа иако настапија без неколку важни играчи, меѓу кои и Никола Јокиќ, кој е надвор од терените поради повреда. Иако не беше во составот, српската ѕвезда беше присутна во салата, а неговото појавување го забележа новинарот на „Altitude TV“, Вик Ломбарди, кој редовно ја следи екипата од Колорадо.

Ломбарди на социјалните мрежи објави видео на кое се гледа како Јокиќ се движи без очигледни проблеми, што веднаш предизвика позитивни реакции и оптимизам кај навивачите.

„Вау, големиот човек се движи навистина лесно. Најновите информации се токму тука“, напиша Ломбарди покрај видеото од јокиќ.

Набрзо потоа, снимката ја коментираше и докторот по спортска медицина Брајан Сатерер, кој посочи важен детал поврзан со состојбата на Јокиќ.

„Ова е многу позитивен знак, бидејќи го гледаме без патерици. Тоа укажува дека нагмечувањето на коската не е толку сериозно за да бара целосно растоварување“, објасни Сатерер.

Да потсетиме,  Јокиќ се повреди во понеделникот на натпреварот против Мајами хит, кога по еден дуел падна на паркетот и се фати за левото колено. Според првичните проценки, се очекува да паузира околу еден месец.

This is VERY positive to see him not using crutches. Means the bone bruising isn’t severe enough to need full off loading. 👍👍 https://t.co/GPr2i2F943

— Brian Sutterer MD (@BrianSuttererMD) January 1, 2026

Преземено од: Спорт.ком.мк