Јаник Синер продолжи со импресивните настапи на Мастерс турнирот во Рим, откако без поголеми проблеми избори пласман во осминафиналето.

Најдобриот светски тенисер во моментов беше доминантен против Алексеј Попирин, кого го совлада со 2-0 во сетови (6-2, 6-0) во меч кој траеше само еден час и седум минути.

Од самиот старт Синер целосно ја контролираше играта, не дозволувајќи му на австралискиот тенисер ниту во еден момент да се врати во натпреварот. Во првиот сет направи два брејка, а во вториот уште трипати му го одзеде сервисот на противникот, завршувајќи го мечот рутински при првата меч-топка.

Со оваа победа, Синер стигна до 30 последователни триумфи на Мастерс турнирите, со што го надмина рекордот на Роџер Федерер, кој застана на 29 победи. Пред него останува само Новак Ѓоковиќ со серија од 31 победа.

Во осминафиналето, Синер ќе се соочи со својот сонародник Андреа Пелегрино, кој претходно приреди изненадување со елиминацијата на Френсис Тиафо.

Most consecutive wins at Masters 1000 level:

31— Novak Djokovic
30— Jannik Sinner
29— Roger Federer#IBI26 | @atptour

— Internazionali BNL d’Italia (@InteBNLdItalia) May 11, 2026