ВИДЕО | Силен земјотрес од 6,9 степени го погоди Чиле, жители останаа без вода и струја
Силен земјотрес со јачина од 6,9 степени го погоди Чиле, околу 30 километри источно од градот Калама на северот на земјата, соопшти Геолошки завод на САД, пренесува Ројтерс.
Препорачано
Земјотресот бил на длабочина од 109 километри во пустината Атакама.
Чилеанските власти засега не пријавија повредени лица или материјална штета, единствено прекини со струја или вода.
„Заканата од цунами за чилеанскиот брег е избегната“, изјавил Фелипе Плаза од националната служба за спречување и управување со катастрофи.
A 6.9 magnitude earthquake shakes northern Chile; tsunami risk ruled out
Damage in Calama supermarket and casinos after quake: aisles with products on the floor, dust throughout the venue, a fallen TV, and burst pipes#earthquake #Chile #Depram pic.twitter.com/s8LCwt4H2Q
— Chaudhary Parvez (@ChaudharyParvez) May 26, 2026
Чилеанската државна компанија за бакар „Коделко“ прекина дел од активностите поради намалена видливост во коповите или прекин на снабдувањето со електрична енергија во одредени области, изјави портпарол на компанијата.
Рударските компании „BHP“ и „Антофагаста“ соопштија дека нивните операции не биле погодени од земјотресот.
Рикардо Мунизага, регионален директор на чилеанската Агенција за управување со катастрофи, изјави дека, иако земјотресот предизвикал одрони во некои производствени подрачја, нема пријави за повредени или други поголеми вонредни ситуации.
„Жителите останаа без струја, а имаше и прекини во водоснабдувањето во градот Калама, каде што живеат многу рудари“, рече Мунизага, дополнувајќи дека клучната инфраструктура не била погодена.
🔴Impactante registro del #Temblor 6.9 en #Calama.@reddeemergencia @RNE_Alpha_8 @carlos_tmk @cleivamoris @djgraff_German pic.twitter.com/gv4XQTGFvN
— Alejandro Alegria 🌴 (@alegriagonzaa) May 25, 2026
Чиле важи за една од сеизмички најактивните земји во светот, бидејќи на нејзина територија се спојуваат три тектонски плочи.
Во 1960 година земјата ја погоди најсилниот регистриран земјотрес во историјата, со магнитуда од 9,5 степени, кога бил разурнат градот Валдивија, а загинале околу 9.500 луѓе.
