Фудбалерите на Штутгарт одиграа одличен натпревар и на гостувањето кај Баер Леверкузен славеа со убедливи 4-1 во рамки на 16. коло од Бундеслигата.

Со овие три бода, Штутгарт се израмни со Леверкузен на табелата, двата тима сега имаат по 29 бодови и се наоѓаат на четвртата и петтата позиција, но и третопласираниот Лајпциг има ист бодовен учинок, но и меч помалку.

Гостите го одиграа својот најдобар меч сезонава и уште во првото полувреме целосно ја решија дилемата околу победникот. Либеник го отвори резултатот уште во седмата минута, а пред самиот крај на првиот дел го постигна и вториот гол. Покрај него во листата на стрелци се запишаа и Мителштад и Ундав, носејќи вистински дебакл за домашниот тим.

Во продолжението Штутгарт рутински ја контролираше играта и резултатот, додека Леверкузен успеа само да го ублажи поразот со погодокот на Грималдо.