Кошаркарите на ТФТ на турнирот во Суботица во АБА 2 лигата го запиша и вториот пораз овојпат против Широки Бријег со резултат 66:85.

Проблемите на ТФТ кои ги имаа во домашниот шампионат, се зголемија и во АБА 2 конкуренцијата со повредата на Симонс. Следуваше и онаа на Двејн Морган, на првиот меч против Златибор.

А сето тоа заедно со фактот дека во овој „балон“ тренерот Боро Смилковски го нема на располагање и еден од најискусните играчи Горјан Марковски, јасно е што резултатот за тимот од Тафталиџе е поразителен.

Вечерва „црно-белите“ налетаа на еден, и тоа како расположен колектив во кој далеку отскокна еден навистина квалитетен кошаркар – се вика Закари Маркет Нутал, кој едноставно самиот го стави во нокдаун ТФТ. И тоа уште во првите 20 минути кога стана јасно дека ТФТ не може да парира на Широки.

За македонскиот претставник Хотон беше прв стрелец со 15 поени, 13 имаше Ташовски, а 12 Луис. Кај Босанците Нутал постигна 35 поени, а неговиот тимски колега Чолак реализираше 15.