ВИДЕО | Шакира со синовите свири и пее во новиот спот: „Ти ми ја лекуваш болката“
Трикратната добитничка на Греми, Шакира гордо пее и свири на пијано заедно со двата сина во спотот за нејзината нова балада „Acrostico“, која e посветена на нив, a премиерно беше прикажана во понеделникот.
Во него, 46-годишната пејачка седи на клавир меѓу нејзините синови Саша Пике и Милан Пике, а младите момчиња пејат делови од рефренот: „Ти ми ја лекуваш болката“, „Ме правиш да се чувствувам подобро“, „Јас сум тука за се’ што ти треба“.
„Оваа година, Милан напиша песни што ме доведоа до солзи од емоции, а Саша минуваше часови на пијано, откривајќи го неговиот талент. Двајцата го споделија тоа со мене во студиото, а откако ја слушнаа оваа песна посветена на нив ме замолија да бидат дел од неа.“, напиша таа на социјалните медиуми.
Во меѓувреме таа и децата се иселуваат од луксузната куќа вредна 5,5 милиони долари, каде таа живееше со поранешниот партнер Жерар Пике. На 8 ноември, поранешната двојка потпиша договор за старателство, со цел да им обезбедат мирен и сигурен живот за своите деца.