Вечерва составот на Ст. Паули во осминафиналето приреди големо изненадување елиминирајќи го еден од фаворитите за трофејот оваа сезона во Купот на Германија, Борусија Дортмунд со резултат 2:1.

За Ст. Паули стрелаше Етијен Аменидо во четвртата, Алекс Витсел си постигна автогол во 40 минута од средбата. Единствениот погодок за „милионерите“ го реализираше нивната прва ѕвезда Ерлинг Халанд од пенал во 58 минута.

Ова натпреварување ќе добие нов шампион, бидејќи минатата сезона токму Дортмунд беше најдобар.

Пласман во следната фаза обезбедија уште екипите на Хамбургер, Карлсруе и Бохум.

За в среда (19 јануари) се закажани останатите четири осминафинални мечеви: Хановер – Борусија Менхенгладбах, Лајпциг – Ханза Росток, 1899 Хофенхајм – Фрајбург и Херта – Унион Берлин.