Поради скапите домови и високите кирии, многумина бараат алтернативни решенија за домување. Еден пар покажа како успеале да ги сведат трошоците на минимум со трајно живеење во камп приколка и шатор, пишува „Сан“.

Го напуштиле својот луксузен дом и сега не плаќаат ниту кирија ниту сметки, а парите што ги заштедуваат им овозможуваат да одат на дури шест одмори годишно.

Парот редовно покажува на својот тикток- профил како изгледа нивниот подвижен дом. Тие уредиле пријатна дневна соба со телевизор, софа и декоративни ламби. Исто така, има фрижидер и дополнителен простор за складирање облека  и чевли.

– Нашиот живот е всушност постојано кампување. Постојано живееме во камп приколката и работиме од таму, а патуваме секогаш кога имаме слободни денови. Живееме во камп приколката речиси четири години. Да не ни се допаѓаше, сигурно немаше да бидеме тука – раскажале тие.

Иако многумина се грижат за хипотеки и сметки, тие не плаќаат кирија, вода или струја бидејќи работат како надзорници на кампови.

@campingbible We couldn’t imagine having it any other way! 👌 #caravan #campinglife #camping #vanlife #workhardplayhard ♬ original sound – cfc_pr0d

– Трошиме околу 200 фунти годишно за бензин (околу 235 евра). Можеме да останеме тука преку целата година. Подобро да имаме ниски сметки и да одиме на одмор шест пати годишно, за да откриваме нови места секој викенд – додале тие.

Многу следбеници беа заинтересирани како нивниот дом останува топол и сув во зима, особено за време на бури. Двојката објасни како го решиле и овој предизвик.

– Купивме бели дрвени панели наместо класичните заштитни материјали, за да нема провев. Можете да купите и одвлажнувачи, кои навистина помагаат. Имаме електричен одвлажнувач и оние за еднократна употреба, расфрлани насекаде – објасниле тие.

– Внатре користиме електричен грејач и гасен грејач однадвор. Ретко ни е студено. Доколку имате ремени што ве држат за време на бури и сте добро прицврстени на земјата, безбедни сте. Плус, заштитени сме од други приколки од двете страни – реккле тие.

@campingbible Treen Farm Campsite is an absolute must if your a keen beach goer! Get this one on your list for 2026! #campsite #camping #campinglife #beach #staycation ♬ What You Need (feat. Charlotte Day Wilson) – KAYTRANADA

Тие исто така објаснија како ја направиле тендата пријатна и топла. Додале декоративни светла за кои платиле само 27 фунти (околу 32 евра) за 80 метри, и поставиле линолеумски под, за кој платиле 140 фунти (околу 165 евра).

Многумина го пофалија нивниот необичен начин на живот.

„Тоа е чувство на слобода што не го добивате на други одмори“, напиша еден следбеник. Друг додаде: „И јас живеам во приколка, тоа е најдоброто нешто.“ Трет заклучи: „Ова е животот за мене.“