Полскиот фудбалер Роберт Левандовски (37) на социјалните мрежи официјално потврди дека ја напушта Барселона на крајот од сезоната.

Искусниот напаѓач се збогува со каталонскиот клуб со емотивна порака на Инстаграм, ставајќи крај на месеците шпекулации за неговата иднина.

– По четири години полни со предизвици и напорна работа, време е да продолжам понатаму. Заминувам со чувство дека мисијата е завршена. Четири сезони, три трофеи – напиша Левандовски.

Искусниот голгетер особено го истакна односот со навивачите и животот во Каталонија.

– Никогаш нема да ја заборавам љубовта што ја добив од навивачите од првиот ден. Каталонија е мојот дом – рече Полјакот.

Полскиот напаѓач пристигна во Барса во 2022 година од Баерн Минхен и брзо стана еден од лидерите на тимот. Тој одигра 191 натпревар, постигнувајќи 119 гола и 24 асистенции.

View this post on Instagram

A post shared by Robert Lewandowski (@_rl9)