Ракометниот клуб Алкалоид предводен од тренерот Кирил Лазаров има успешен старт на сезоната во Суперлигата во која до сега оствари седум победа во низа во групата „А“.

Македонскиот вицешампион покрај домашните обврски, сезонава ќе има и настапи на меѓународната сцена, односно ќе дебитира во Европската лига на ЕХФ.

Првиот официјален меѓународен натпревар играчите на Лазаров ќе го имаат на 17 октомври во СЦ „Јане Сандански“ во Скопје против Војводина од Србија.

Како што најавуваат од клубот, во првиот европски меч ракометарите ќе играат во новобрендирани дресови кои ги промовираа.

– Подготвени сме за предизвиците. Не се откажуваме во ниту еден момент. Секогаш на терен влегуваме со сеце и со желба за победа – вели ракометарот на Алкалоид, Мартин Серафимов.

Потсетување дека веќе се пуштени во продажба билетите за натпреварот РК Алкалоид – РК Војводина преку продажната мрежа на „МкТикетс“.

– Нашата екипа е подготвена. Со нетрпение го очекуваме првиот меч од Европската лига на ЕХФ – се зборовите на ракометарот на Алкалоид, Игор Ѓоргиев.

View this post on Instagram

A post shared by RK Alkaloid (@rkalkaloid)