ВИДЕО | Рецепт за леден џин-тоник со шумско овошје, совршен за жешките ноќи
Летните вечери на отворено, со омиленото друштво и омилениот пијалак – се рецепт за уживање.
Во „морето“ од освежителни летни коктели, џин-тоник е секогаш фаворит број еден. Едноставниот пијалак кој поврзува две основни состојки е, всушност, основа за неограничени комбинации на вкусови.
Малините, јагодите, портокалите, циметот и разните зачини традиционално го надополнуваат овој едноставен коктел.
Денеска ви носиме брз рецепт за освежителен џин-тоник со замрзнато шумско овошје, кое ќе го подготвите за само неколку минути, а вкусот е навистина нешто посебно.
Леден џин-тоник со шумско овошје
Состојки:
– шумски плодови
– свежа сечкана јагода
– џин
– тоник
– парчиња лимон
– ливчиња од нане
– мраз
Подготовка:
Во чаша ставете ги замрзнатите шумски плодови и сечканите свежи јагоди.
Додадете го лимонот исечен на подебели парчиња.
Додадете мраз, па сѐ прелијте со џин. Додадете лист нане, па сè прелијте со тоникот.
Напомена: Количините не се точно наведени, па соодносот на џин, тоник и овошје можете да го одредите по сопствен вкус. Експертите напоменуваат дека најдобриот сооднос е 1:3 во корист на тоникот и дека треба да го прелиеме врз четири коцки мраз (во стандардна чаша за џин) и да промешаме четири пати.
Рецептот за генијалниот освежителен коктел ни го сподели блогерката за храна Сташа, а повеќе вкусни рецепти можете да најдете на нејзиниот канал на Јутјуб.
