Фудбалерите на Реал Мадрид го совладаа Реал Сосиедад на гости со 2:0 во петтото коло од најсилната шпанска лига.

Играчите на тренерот Карло Анчелоти стигнаа до третата победа со головите од пенал, а стрелци беа Винисиус во 58 и Килијан Мбапе во 75 минута.

Така шампионот на Шпанија и Европа ја оствари првата победа сезонава на гостински терен, откако ремизираше со Мајорка и Лас Палмас.

Реал Мадрид сега е на второто место на табелата, со 11 бодови, еден помалку од Барселона, која има натпревар помалку, додека Сосиедад е на 16 позиција со само четири бода.

Во саботата се одиграа уште три натпревари: Мајорка – Виљареал 1:2, Еспањол – Алавес 3:2 и Севиља – Хетафе 1:0.