Филипинскиот Сенат денес е под блокада, а војници биле видени како влегуваат во зградата каде што засолниште побарал сенатор кој е баран од Меѓународниот кривичен суд. Се слушнале повеќе истрели, но властите не открија кој пукал, само соопштија дека нема жртви, пренесува Би-би-си.

Сенаторот Роналд Дела Роса претходно изјави дека верува оти неговото апсење е неизбежно и ги повика Филипинците да го спречат тоа. Според властите, тој е безбеден и се наоѓа со припадници на обезбедувањето.

Меѓународниот суд го обвинува дека убил десетици луѓе додека бил началник на полицијата за „војната против дрогата“ во време на поранешниот претседател Родриго Дутерте, во која илјадници наводни дилери биле застрелани и убиени. Дутерте се наоѓа во притвор во Хаг од март 2025 година.

Телевизиски снимки покажаа полициски командоси во униформи како влегуваат во зградата на Сенатот во Манила, додека полицајци за разбивање немири со штитови и шлемови го обезбедуваат периметарот.

SHOTS FIRED INSIDE SENATE BUILDING

WATCH: Gunshots rang out at the Senate building as personnel from the police and the Philippine Marines remained inside the premises. | via Jojo Sicat, https://t.co/gusqkxYQic pic.twitter.com/zruYNKA1z3

— Bilyonaryo News Channel (@bncdotph) May 13, 2026

Демонстранти пред Сенатот побараа приведување на Дела Роса и негово испраќање на судење заедно со Дутерте.

Неговите адвокати поднесоа жалба до Врховниот суд со барање да се блокира неговата екстрадиција.

Зградата на Сенатот била во блокада од моментот на пукањето, а сенаторите се засолнети внатре.

Владата негира дека се обидува да го уапси Дела Роса и вели дека сè уште истражува кој отворил оган.

Министерот за внатрешни работи Џонвик Ремуља изјави дека претседателот дал „строги инструкции“ за заштита на сенаторите. Тој додаде дека Дела Роса е „безбеден“ и се наоѓа со припадници на обезбедувањето.

„Не сме тука за да го уапсиме сенаторот Дела Роса. „Всушност, тука сме за да го заштитиме. Тоа нека биде јасно. Тоа јасно му го кажав и на неговото семејство“, рече тој.

Ремуља изјави дека никој не е уапсен во врска со пукањето.

Претседателот на Сенатот, Алан Питер Кајетано, ја повика јавноста да ги испрати „сите видеа што би можеле да помогнат во истрагата“.

Philippine Senator Ronald dela Rosa — a key figure in Rodrigo Duterte’s drug war — was caught on CCTV running through the Senate to avoid investigators trying to serve an ICC arrest warrant over alleged crimes against humanity.

He stumbled while fleeing, then took shelter… pic.twitter.com/lfvujj0BNu

— Clash Report (@clashreport) May 11, 2026

Сенатот моментално е под контрола на сојузници на Дутерте, чија ќерка Сара е потпретседателка на државата.

Сојузот меѓу семејството Дутерте и семејството на актуелниот претседател Бонгбонг Маркос се распадна пред две години, што доведе до жесток судир меѓу нив.

Во понеделникот, Долниот дом на Конгресот гласаше за почеток на постапка за импичмент на потпретседателката, но Сенатот има овластување да ја блокира.

Дутерте одбива да ги признае постапките на Меѓународниот кривичен суд (МКС), тврдејќи дека Филипините се повлекле од Римскиот статут — основачкиот договор на Судот — уште во 2019 година за време на неговото претседателствување.

Но, минатиот месец судиите од предистражната комора на Судот го отфрлија тој аргумент, наведувајќи дека наводните злосторства се случиле помеѓу 2011 и 2019 година, додека Филипините сè уште биле членка на МКС, со што се отвори патот Дутерте да биде изведен пред суд.