ВИДЕО | Пронашла таен бункер во подрумот на куќата на нејзината баба
Тиктокерката Карли објави видео од необичното откритие кое го пронашла во подрумот на куќата на нејзината баба, а видеото набрзо стана вирално и собра четири милиони прегледи. Карли објаснила како претходните сопственици го подготвувале подрумот како засолниште за нуклеарен напад, а нејзината баба не може да се спушти по скалите, па го оставила подрумот недопрен.
Подрумот изгледа сосема обично, но всушност крие тајна врата, бункер и многу бизарни предмети. Карли отиде до лажната цевка и ја помести, отворајќи ја скриената врата што води до просторијата наменета за складирање на конзервирана храна и пиштоли. Но, тоа беше само почеток.
@itsmecarlys Best thing about coming to this house. #doomsdaypreppers #bunker #endofdays #coolhouse #housetour ♬ original sound – It’s me Carly
Таа се сврте кон дрвената разводна табла зад која се наоѓаше влезот во таен бункер со куп стари лименки, гас-маски и шест импровизирани легла.
Бункерот е поделен на две простории, а во втората има извор на вода и уште една дрвена клупа. Претходните сопственици изградиле дури и тунел низ кој во случај на опасност можат да се лизгаат директно во тајниот бункер.
„Кога има гужва, знам каде да дојдам“, рече на крајот Карли.