Генералниот директор на технолошката компанија со седиште во Њујорк „Астономер“ Енди Бајрон, кој беше фатен на камера во прељуба со шефицата на одделот за човечки ресурси на концерт на групата Колдплеј, поднесе оставка, објави Си-Ен-Ен.

Бордот на директори на „Астрономер“ ја прифати оставката на Бајрон, стои во нивната објава на „Линкдин“ каде се додава дека ќе почнат да бараат нов генерален директор. И на сајтот на фирмата во делот за „раководство“ како нов генерален директор е наведен Де Џој. 

После виралното видео на Бајрон, се прошири лажна изјава од него онлајн. Во средата, на концерт на групата Колдплеј, во времето кога камерата „шета“ од двојка на двојка за кога ќе се фокусира на некоја од нив, луѓето да се бакнат, случајно таа застана на Бајрон и на неговата колешка Кристин Кабот, главна за човечки ресурси во истата компанија.

Нивната реакција предизвика светска сензација, со оглед на тоа што Бајрон е женет и има деца – и двајцата се сокрија од очите на јавноста а таа нивна реакција одекна гласно ширум целиот свет.