ВИДЕО | Погледнете го првиот тизер за ‘Dune: Part Two’: Во филмот се враќа „заборавена“ филмска ѕвезда
Продукционата компанија „Ворнер брос“ го објави новиот тизер за продолжението на филмот „Dune“ – „Dune: Part Two“, кој е во режија на канадскиот режисер Денис Вилнев. Исто така, беше претставен и официјалниот постер за филмот.
Вториот дел на филмот, кој е базиран на научно-фантастичниот книжевен серијал „Dune“ на писателот Френк Херберт, ја продолжува приказната на главниот лик Пол Атреид, кој сака да им се одмазди на заговорниците кои го уништиле неговото семејство.
Соочен со изборот помеѓу љубовта на својот живот и судбината на познатиот универзум, тој се стреми да ја спречи страшната иднина што само тој може да ја предвиди.
Главните улоги ги толкуваат Тимоти Шаламе, Зендаја, Ребека Фергусон, Џош Бролин, Остин Батлер, Флоренс Пју, Дејв Батиста и Кристофер Вокен, кој по долга пауза се појавува во потенцијален блокбастер.
Филмот ќе почне да се емитува во киносалите ширум светот од 3 ноември годинава.
Trailer Tomorrow. #DunePartTwo pic.twitter.com/1XlacqAukz
— DUNE (@dunemovie) May 2, 2023