ВИДЕО | Погледнете го новиот трејлер за филмот „Barbie“: За четири часа собра милион и пол прегледи
Објавен е нов трејлер за долгоочекуваниот филм „Barbie“. Трејлерот се појави на официјалниот јутјуб-канал на „Ворнер брос“, и открива повеќе детали за заплетот на филмот. За само четири часа трејлерот собра милион и пол прегледи.
Во новиот трејлер се гледа како Барби, која ја игра Маргот Роби, и Кен, кој го игра Рајан Гослинг, танцуваат во нивниот розов свет. Но, во еден момент, Барби е погодена од егзистенцијална криза и решава да ја посети својата пријателка која и го покажува реалниот свет. Барби и Кен не се снаоѓаат најдобро во реалниот свет и завршуваат во затвор, а нивното заминување од розовиот свет ја загрижува компанијата Мател, која сака веднаш да се вратат.
Филмот пристигнува во кината на 21 јули. Оваа комедија за една од најпознатите кукли на сите времиња, ја напишаа Грета Гервиг и Ноа Баумбах, а ја режираше Гервиг.