Принцот Вилијам го одвел својот син, принцот Џорџ, во хуманитарната организација за бездомници во Лондон, каде што заедно учествувале во подготовката на божиќен ручек за луѓето на кои им треба помош.

Оваа посета имала особено емотивно значење за Вилијам, бидејќи токму во истата организација го однела и неговата покојна мајка, принцезата Дајана, кога тој имал 11 години. Тоа искуство подоцна силно влијаело врз неговата одлука да започне иницијатива насочена кон искоренување на бездомништвото.

Introducing Prince George to The Passage — and Claudette! A huge thank you to everyone for your incredible work throughout the year and for continuing to inspire a shared commitment to preventing and ending homelessness in the UK. pic.twitter.com/vVyzgKlLRk

— The Prince and Princess of Wales (@KensingtonRoyal) December 20, 2025

За време на посетата на центарот „The Passage“, принцот Џорџ се потпишал во книгата на посетители – на истата страница каде што претходно се потпишала и принцезата Дајана, која трагично го загуби животот во сообраќајна несреќа во Париз во 1997 година, кога Вилијам имал 15 години.

Облечени во престилки, дванаесетгодишниот Џорџ и неговиот татко работеле во кујната, подготвувајќи ја храната и ставајќи ја во плехови за печење. Во пријатна атмосфера, разговарале и се смееле со вработените, по што помогнале и во поставувањето на долгите маси со салфетки и божиќни украси.

„На принцот од Велс му беше важно со принцот Џорџ да ја сподели мисијата на проектот ‘The Passage’ и заедно да поминат време во волонтерска работа со тимот“, изјави портпарол на Кенсингтонската палата. „Двајцата уживаа во средбите со вработените, волонтерите и корисниците на услугите, како и во запознавањето со работата на оваа хуманитарна организација.“

Покрај заложбите за спречување на бездомништвото, принцот Вилијам е активен и во промовирање на еколошки иницијативи, како и во кампањи за поголема отвореност и свесност за менталното здравје.

Се очекува Вилијам, неговата сопруга Кејт и нивните три деца Божиќ да го поминат на имотот на кралот Чарлс во Сандрингем, во источна Англија.