Пунчот е измислен во 17. век, прекрасна комбинација на жестоки пијалаци, вода, лимон, шеќер и зачини кои станаа синоним за добро расположение и празнични прослави низ Европа.

Оваа празнична сезона подгответе ароматичен пунч по рецептот на познатата американска готвачка Марта Стјуарт.

Состојки:

– 2 шолји ладен незасладен сок од калинка
– 1 шолја ладен сок од брусница
– 1 шолја вотка
– 1 шолја ликер со вкус на портокал
– 1 шолја ладен тоник од лимон
– 1/2 шолја свеж сок од лимон (од 2 до 3 лимони)
– 1/2 шеќерен сируп
– брусница замрзната во коцки мраз

Подготовка:

Во сад измешајте ги сокот од калинка и брусницата, вотката, ликерот од портокал, содата од лимон, сокот од лимон и сирупот.

Наполнете чаши со брусница замрзната во коцки мраз и послужете!

Секако, пунчот може да го послужите и во специјализиран стаклен сад и да оставите уште подобар впечаток.