Пејачот на „Биг тајм раш“, Логан Хендерсон, е хоспитализиран откако се здобил со прилично сериозна повреда за време на концертот во Краков, како дел од турнејата „In Real Life Worldwide“.

Според информациите објавени од ТМЗ, 36-годишниот Хендерсон го повредил коленото кон крајот на настапот, а ударот предизвикал отворена посекотина што го принудила веднаш да ја напушти сцената.

Членовите на бендот ѝ се обратија на публиката штом Хендерсон беше одведен зад сцената.

„Само сакаме да знаете дека Логан е добро. Малку падна и само сакаме да бидеме сигурни дека ќе биде добро, па затоа го проверуваат зад сцената“, рече еден од членовите на бендот.

Хендерсон подоцна го објави своето соопштение преку инстаграм-приказна.

„Еј, Краков, ви благодарам за одличната претстава. Жал ми е што не можев да останам до крајот. Се забавував премногу, па го удрив коленото доста силно и морав да одам на итна помош“, изјави тој.

Тој додаде дека се чувствува добро и дека медицинскиот тим реагирал навреме.

„Добро сум и ме средуваат, па наскоро би требало да бидам подобро. Ќе бидам добро, ќе ставиме неколку конци, но сепак, ви благодарам. Ве сакам, и јас сум добро, па благодарам што ме посетивте. Ве сакам“, додаде тој.

Сè уште не е познато дали Хендерсон ќе може да се придружи на бендот за следните концерти закажани во Прага и Берлин. Според извештаите, претставникот на пејачот не одговорил веднаш на прашањето на списанието „Пипл“.