Лет во Кина бил одложен на повеќе од четири часа откако патник фрлил парички во моторот на авионот. Летот на Чајна Соутерн Ерлајнс требал да полета од Санја за Пекинг околу 10:00 часот, но полетал дури четири часа подоцна.

На видеото споделено од бројни државни медиуми, стјуардесата го прашува патникот колку монети фрлил во моторот, на што мажот одговара – меѓу три и пет. Полицијата подоцна го изнела патникот од авионот и го вратила на аеродромот. Авиокомпанијата соопшти дека монетите биле пронајдени при безбедносните проверки.

„Персоналот за одржување на авионот изврши сеопфатна безбедносна проверка и утврди дека нема безбедносни проблеми пред полетувањето“, соопшти службата за клиенти на авиокомпанијата, како што јави Си-Ен-Ен.

Чајна Соутерн Ерлајнс издаде предупредување за „нецивилизирано однесување“ во средата, велејќи дека фрлањето парички во моторот на авионот претставува закана за безбедноста. Во Кина во изминатите неколку години имаше неколку вакви инциденти, а патниците фрлаа парички кон авионот верувајќи дека тоа „носи среќа“.

The passenger #flight CZ8805 flying from southern #China‘s #Sanya to Beijing was delayed 4 hours on Wednesday after a passenger threw six coins at the aircraft to bless for the departed family member. The passenger involved has been taken away by police for further investigation. pic.twitter.com/XVQ7v1soGL

— Shanghai Daily (@shanghaidaily) March 7, 2024

Минатиот октомври летот на Чајна Соутерн Ерлајнс за Гуангжу беше одложен откако патник фрли парички кон авионот. Во 2021 година, летот на ГХ Ерлајнс меѓу Вајфанг и Хаику беше откажан бидејќи на земјата беа пронајдени неколку монети завиткани во црвена хартија. Во 2017 година, еден постар патник фрлил парички на авион на Чајна Соутерн Ерлајнс за време на влегувањето, тврдејќи дека тоа е молитва за безбеден лет.