Кошаркарите на Партизан во петокот играа против литванскиот Жалгирис во натпреварот од 37 коло од Евролигата кој го загубија на крајот со 83:74. „Црно-белите“ останаа без шанси за пласман во следната фаза од натпреварувањето, но овој дуел имаше посебно значење, бидејќи е прв натпревар на Партизан на домашен терен, по смртта на најтрофејниот тренер во историјата на српскиот клуб, Душко Вујошевиќ.

Пред почетокот на натпреварот, на видео екранот беа пуштени моментите и изјавите на Вујошевиќ за време на неговиот престој во Партизан, а сè беше проследено со кореографија на навивачи кои држеа слика од легендарниот стручњак.

Присутни беа и поранешните црно-бели кошаркари Новица Величковиќ, Жофри Ловерњ, Александар Павловиќ и Миленко Тепиќ.

После тоа, последната порака беше дадена со минута молчење, а по завршувањето на минутата, навивачите го скандираа името на нивниот сакан тренер уште неколку минути.

Душко Вујошевиќ почина на 8 април во Белград на 68-годишна возраст.